Une zornade par svicinâsi al sport a Glemone

Domenie ai 16 e torne a Glemone la zornade dedicade al sport. Un avigniment che al vûl svicinâ chei plui piçui, e no dome, ae pratiche sportive, cu la cussience che movisi al rapresente vuê la miôr forme di mantigniment e di preparazion ae vite di doman. La manifestazion si tignarà inte aree sportive di via Velden – tra pissine, palaçut e polisportîf comunâl – e al varà tant che avigniment centrâl il torneu di tenis taule TTX: une tape dal impuartant circuit nazionâl, ae sô seconde edizion a Glemone, che e fâs part dal progjet Sportland tant che “Comunitât europeane dal Sport”. (A.I.) – 13.10.2022