Une maiute ‘verde’ pal Udin di sabide

da Andrea Ioime

L’Udin al rinfuarce la sô campagne e l’impegn in favôr de sostignibilitât ambientâl. Adun cun Socios.com, la societât e à promovût intai dîs passâts un scandai vie app par decidi lis peraulis che i tifôs a varessin volût viodi al centri dal kit doprât pal riscjaldament prime de partide. “Respect the Planet”, rispiete il planet, e je la scrite preferide dai votants, che e cjatarà spazi su lis maiis dopradis intal pre gare di sabide ai 20 di Zenâr, in ocasion de partide Udin-Milan. Lis monturis a vignaran dopradis dai zuiadôrs blancs e neris par dute la stagjon. Il messaç ‘vert’ al è condividût de societât dal Udin, simpri atente aes tematichis ambientâls e di agns devant di ducj in Italie e intal mont par ce che al rivuarde la visibilitât dedicade ae materie. (A.I.) – 18.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui