Une corse di solidarietât tal ricuart di Lorenzo Parelli

Sabide ai 13 di Jugn, la citât di Udin e sarà dute tal segn sport e dal ricuart cu la seconde edizion de “Friuli Doc Run – Memorial Lorenzo Parelli”, inmaneade di Promorun. Une manifestazion buine di mostrâ cemût che il sport al pues jessi cetant di plui di une competizion e vonde. In chest câs, al è un event che al celebre ancje il ricuart, la solidarietât, la salût e la promozion dal teritori, tal non di Lorenzo Parelli, muart tal ultin dì di lavôr in aziende fûr de scuele, par sigurâ di la indevant a impegnâsi in maniere concrete par cuistions impuartantis tant che la sigurece sul lûc di vore. A tacâ des 7 sot sere. sabide ai 13 a scomençaran une daûr di chê altre cinc garis suntun percors taront di 1,1 km: di chês che a son par ducj a chês che a viodaran in gare atletis di nivel nazionâl e internazionâl. (A.I.) – 09.06.2026