Une corse colôr di rose a Lignan

Sport, ligrie e solidarietât a son simpri al centri de “Corsa delle rose” (Corse dai garofui), une gare vierte a ducj che e torne domenie ai 19 di Avrîl su la rive dal mâr a Lignan. La setime edizion dal event e je un dai prins apontaments de Vierte te citât balneâr, e i organizadôrs – il Running Team di Conean in colaborazion cul Comun di Lignan, Lignano Pineta Spa e Bell’Italia-Efa Village – a àn viert la partecipazion a ducj, oms e feminis, ancje se la corse e je dedicade soredut al mont feminin. Tes ultimis dôs edizions, daspò di une incressite progressive, la corse e je rivade a 1.500 partecipants. No je une gare, si che duncje ognidun al pues decidi di fâle cemût che al vûl o che e vûl: di corse, cjaminant plan, o fasint Nordic Walking e Fit Walking, in dute libertât. I percors a son doi: un di 4,5 chilometris e un di 8, tacant come simpri dongje di place Marcello D’Olivo e po dopo lant di une bande a Pineta e di chê altre a Sabbiadoro. (A.I.) – 18.04.2026