Un omaç aes fantatis dal volley di Resie

Cualchi timp indaûr, no masse lontan, il cûr de Val di Resie al bateve a timp cuntune bale sot de rêt. In chê volte, un grup di fantatis di mont vuidadis de vision de alenadore Frida Tonon e rivà a mudâ une piçule realtât di paîs intune potence de bale a svol regjonâl. Cheste storie straordenarie e torne a vivi cu la mostre “Dalla Val Resia alla C2”, inmaneade de comission pari oportunitâts dal comun di Resie te biblioteche di Stolvizze fint ai 30 di Jugn. No dome une celebrazion di un toc di storie di une volte, ma la conte di une imprese coletive che e à metût dongje dute une comunitât tai agns Otante e Nonante. Intun percors espositîf fat di fotos de epoche, articui di gjornâl e documents storics, la mostre e conte la scjalade de scuadre feminine roseane di volley. Partidis dai cjamputs de valade, lis atletis a rivarin fint in serie C2, puartante il non di Resie a competi cu lis citâts plui grandis de regjon. No si fevele dome di sucès sul cjamp, ma di fadie daspà dal lavôr o dal studi, di une passion buine di tirâ dongje amîs e fameis, fasint deventâ il sport un motôr di coesion sociâl cetant fuarte. Un insium deventât une realtât lade di là dai confins de valade: un esempli a lavorâ ducj adun, par fa robis grandis ancje cuant che si è piçui. (A.I.) – 30.03.2026