Un campion al spieghe il rugby ai fruts

Un campion che al à scrit la storie dal rugby talian cun 106 presincis in Nazionâl, un progjet educatîf e sportîf e tancj fruts. A son lis carateristichis di une zornade speciâl tal segn de bale ovâl e dal sport in gjenerâl. Mauro Bergamasco, doi campionâts vinçûts in Italie, doi in France e cinc partecipazions ae Cope dal Mont, al rive cu la sô “Education and Sport” li dal Rugby Club di Pasian di Prât in ocasion de tierce tape dal “Campus Road Show”. Vinars ai 20 intai implants de societât, des 5.30 dopomisdì, fruts e frutis cu lis fameis a podaran sperimentâ il rugby e la filosofie che e nudrìs cheste dissipline sportive. (A.I.) – 19.10.2023