Une medaie di aur ancje furlane inte prime gare dai Mondiâi di schi. In Austrie, a Saalbach Hinterglemm devant di 30 mil spetatôrs, la Italie e à concuistât la medaie di aur intal slalom paralêl a scuadris, dopo vê vinçût cun Ucraine, France, Svezie e cu la Svuizare inte finâl. Tra i cuatri finaliscj, Filippo Della Vite, Giorgia Collomb, e je une furlane: Lara Della Mea, nassude intal 1999, che e veve za vinçût il bronç inte stesse specialitât intal 2019. La tarvisiane e à passât lis sfidis cu la ucraine Shepilenko, la francese Direz e la svedese Hector, sbrissant e lassant la vitorie dome ae svuizare Darbellay. Joibe la prossime sfide intal slalom zigant. (A.I.) – 05.02.2025
Un aur (ancje) furlan ai Mondiâi di schi
51