Udin, torneu pe scuadre di chei nassûts intal 2009

I zovins cun mancul di 14 agns dal Udin a saran protagoniscj de vincjesime novesime edizion dal “Abano Football Trophy”, torneu internazionâl di balon “Città di Abano Terme”. Une des competizions plui prestigjosis di Europe intal panorame dai zovins, il torneu al puartarà in cjamp dai 17 ai 21 di Mai i zuiadôrs dal 2009 di 16 scuadris, in rapresentance di dîs nazions e trê continents. Chei alenâts di Nicola Battel a son dentri dal ziron B cun Juventus, Flamengo e Dinamo Kiev: miercus ai 17, aes 4.30 dal dopomisdì, l’esordi cuintri i zovins brasilians dal Flamengo, po dopo joibe la partide cuintri la Dinamo Kiev. (A.I.) – 16.05.2023