Udin: rivâts i 40 ponts, Sottil al domande ancjemò di plui

da Andrea Ioime

Dopo la vitorie cence masse bacilâ – e a butadis ancje entusiasmant – al stadi Friuli/Dacia Arena cu la Cremonese par 3-0, l’Udin al è tornât inte ‘part çampe’ de classifiche e al à passât i 40 ponts: il travuart minim domandât a une scuadre che aromai e zuie di cuasi 30 agns di file in serie A. Daspò la decime vitorie dal campionât, al reste un pôc di displasê par cualchi risultât no rivât, che al varès puartât la scuadre plui dongje a une cualificazion aes copis. Nuie nol è comprometût ancjemò, cun siet partidis di zuiâ, là che l’alenadôr Sottil al promet di cirî di fâ plui ponts pussibii, ancje se intun pâr di ocasions si zuiarà cuintri scuadris ancjemò in lote par no lâ jù in B, e tra pôc plui di une setemane al rivarà il Napoli, forsit za cul scudet in sachete. (A.I.) – 24.04.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui