Udin: prime partide in famee

Prime partide ae seconde zornade di alenament pal Udin dal cul gnûf alenadôr Andrea Sottil. Ancjemò a Udin, la scuadre e à fat esercizis di fuarce in palestre di matine e, dopomisdì, e à lavorât sul cjamp sportîf dongje de Dacia Arena. Il program al previodeve ancje une piçule partide ‘in famee’ a plen, 11 cuintri 11, ma cul cjamp scurtât. Lis dôs formazions a an zuiât cul 3-5-1-1 e, inte ocasion, la prime rêt stagjonâl e je stade segnade di Deulofeu, prin canonîr de stagjon passade, che al à firmât ancje il gol dal 2-2 finâl. I dôi altris a segnâ a son stâts Samardzic e Ebosele. (A.I.) – 06.07.2022