Udin: prime partide in Austrie cuntun grum di goi

La prime partide stagjonâl dal Udin e je finide 11-0 pai blancs e neris cuintri il Rapid Lienz, scuadre locâl di tierce categorie dal campionât austriac. La formazion alenade dal pari dal gnûf zuiadôr dai furlans Sandi Lovric no à ufiert tantis indicazions al alenadôr Sottil, par vie de diference tecniche. Ae fin de partide, il tecnic al à pandût sodisfazion par cemût che la scuadre e je lade daûr di dutis lis sôs indicazions: zûc di prime, in verticâl, tocjant il balon dome une o dôs voltis, cun precision e velocitât. (A.I.) 14.07.2022