Udin: premi a Rome pe sostignibilitât

Di cuant che e je jentrade te societât dal “paron”, ven a stai il pai Gianpaolo, Magda Pozzo e à lavorât par puartâ la scuadre di balon dal Udin a jessi un dai riferiments no dome talians, ma internazionâi par ce che al rivuarde lis strategjiis di sostignibilitât ESG, ven a stâi a nivel ambientâl, sociâl e di aministrazion. Chest an, la societât Udinese Calcio si è vuadagnade un premi che nol sarà sul cjamp, ma al puarte cetante visibilitât a ducj: il “De Sanctis” pe sostignibilitât, rivât in graciis dal disvilup dal Bluenergy Stadium, il prin in Italie fat cun criteris di eficience energjetiche, inclusion e inovazion a tacâ dal par solâr sul cuviert. Magda e à cjapat il premi martars ai 25 intun lûcs innomenât di Rome, palaç Chigi. “Vuê – e à dit – e je une zornade storiche par noaltris, ancje se o savìn za di jessi un model pal nestri impegn totâl a pro de sostignibilitât”. (A.I.) – 26.11.2025