Udin: il marcjât che nissun si spietave

Daspò de prime vitorie in campionât che nissun sui spietave, domenie di sere a Milan cuintri l’Inter par 2-1 (goi di Davis e Atta), l’Udin al è fat une altre sorprese tal ultin dì di marcjât. Anzit: dôs, o forsit trê e cuasi tai ultins minûts. Il non che ducj a spietavin al è chel di Nicolò Zaniolo, atacant che al varès di cjapâ il puest lassât dal cjapitani Thauvin, tornât a cjase sô in France e un dai grancj zuiadôrs che a àn lassât il blanc e neri (chei altris a son Bijol, Lucca e Sanchez). Pal talent zovin, tal zîr de Nazionâl, Udin e je une sorte di ultime, grande ocasion par afermâsi cence restâ dome che une “promesse”. Chel atri zuiadôr cu la “Z” (anunziât in rêt de societât cul segn di Zorro!) è al Alessandro Zanoli, difensôr di fasse che al rive dal Napoli, di dulà che al veve di rivâ ancje Cheddira (ma nol è stât cussì). Tal ultin moment, l’Udin al è cuistât ancje Idrissa Gueye un zovin talent african che al zuiave in France te stesse scuadre di Atta – ancje lui rivât tes ultimis oris di marcjât l’an passat! – e che al jere za un dai obietîfs di scuadrons inglês, chei plens di bêçs! (A.I.) – 02.09.2025