Trente scuadris di bici pal “Zîr dal F-Vj”

Dai 4 ai 7 di Setembar al torne la edizion numar 61 il Zîr de Regjon Friûl-Vignesie Julie di ciclisim par “elite” e U23, une competizion buine di clamâ ben trente scuadris di dut il Mont, a tacâ des plui grandis. La prime tape, di 162 chilometris, e va di Palaçûl a Buri, cuntun percors su e jù che no, è par nuie facil: e je la “prime volte” pe capital dal vin, intant che a Palaçûl aromai e je deventade une usance. La seconde tape, di Porpêt a Teôr, e je par velociscj (167 km ducj in plan), la tierce di Dimpeç a Ravasclêt e segnarà la classifiche e la ultime, di Çarvignan a S. Denêl, e decidarà il vincidôr cui siei 151 chilometris, un an daspò dal danês Jorgen Nordhagen. (A.I.) – 03.09.2025