Trê medaiis par Giada Rossi ai Mondiâi

Ai Mondiâi paraolimpics di Granada, Giada Rossi è à calât il tris. Dopo l’aur e l’arint intes provis in cubie, la campionesse di Çopule di tenis di taule e à concuistât ancje il titul individuâl di classe 2, batint la coreane Seo Su Yeon. Dopo l’aur european dal 2019, il bronç paraolimpic dal 2016 e chel mondiâl dal 2018, Giada, che e jere za il numar un tal plaçament di classe, cumò e je ancje la plui fuarte dal planet. I Mondiâi di Granada a restaran inte storie de Nazionâl, stant che e à puartât a cjase trê medaiis di aur, dutis graciis a atletis dal Friûl Vignesie Julie (ancje cul triestin Matteo Parenzan), une di arint e une di bronç. (A.I.) – 14.11.2022