Dopo lis Copis dal mont di Baku e Portimão, par Tara Dragaš e je rivade ancje la clamade al cuarantesim campionât European di Gjinastiche ritmiche. La atlete de ASU – Associazion sportive udinese, e je partide par Budapest dulà che, dai 22 ai 26 di Mai e je in program la competizion, intune cu la responsabile de sezion ritmiche, Magda Pigano, e dute la delegazion de Nazionâl taliane. La zovine atlete furlane e larà in pedane cul cercli, dongje di chês altris dôs atletis des garis individuâls, Sofia Raffaeli e Milena Baldassarri: il program individuâl si vierzarà miercus ai 22 cu lis cualificazions e al larà indevant joibe ai 23, cuant che la gjinaste blancje e nere si esibirà tant che prime taliane senior. Il torneu european si sierarà ai 26 di Mai cu lis finâls di specialitât. (A.I.) – 21.05.2024
Foto di L. Agati