Su la mont sante dal Lussari, dut pront pal slalom zigant di gnot

Schiadôrs agoniscj o apassionâts, amants des cjaminadis su la nêf, zovinis sperancis dal schi, fameis: par ducj lôr e je pensade la fin de setemane a Tarvis e al varà tant che moment culminant il “Lussarissimo”, il zigant paralêl vie pe gnot plui inmagant di Europe, che e sarà contindût inte piste Di Prampero, iluminade sabide ai 11 di Fevrâr. Intor ae gare, che l’an passât e à viodût la partecipazion di tancj schiadôrs ancje di dal là dal confin, e je stade costruide une manifestazion lungje trê dîs, plene di emozions e avigniments, di vinars ai 10 a domenie ai 12, cuntune atenzion particolâr par chei plui zovins, cun lis pistis viertis ancje fintremai aes 11 di sere. (A.I.) – 02.02.2023