Sport Solidarietà: un incuintri mondiâl a Lignan

Domenie ai 13 di Lui, tal stadi “Teghil” di Lignan di davuelç la trentesime seste gare internazionâl di atletiche lizere “Sport Solidarietà” , une manifestazion dentri dal calendari dal circuit de federazion mondiâl (World Athletics) e di chê europeane (EAA): un dai plui grancj events di sport che si davuelzin in Friûl-Vignesie Julie e salacor in Italie. A saran passe dusinte i atletis professioniscj che a rivin di 30 paîs diferents, ancje campions olimpics e mondiâi e zovins dal teritori che prime o dopo a vignaran fûr, veterans dai zûcs e atletis cun disabilitât. La rassegne e met dongje passion, ecelence e inclusion e tal 2024 e à contât passe 3500 spetatôrs, cun trê record e ben 18 primâts personâls. (A.I.) – 10.07.2025