Sottil: “O volìn fâ un campionât di protagoniscj”

Prime zornade in ritîr pai zuiadôrs dal Udin in viste dal campionât che al ven e primis peraulis uficiâls dal gnûf alenadôr. Andrea Sottil, 44 agns, piemontês, 4 agns di difensôr in blanc e neri, al à fevelât ae Tv de societât, sclarint la sô filosofie. “O volìn fâ un campionât di protagoniscj – al à dit – lant simpri in cjamp cul obietîf dai 3 ponts, cun determinazion. O volìn tornâ in Europe, ma al coventarà lavorâ tant e restâ cui pîts par tiere. Tornâ al Udin e je une grande gjonde, stant che al è il miôr club che mi podès capitâ. Jo e i miei zuiadôrs si impegnarìn plui che o podarìn par rivâ ai nestris obietîfs: chest club al à lis cualitâts justis par fâ une grande stagjon”. (A.I.) – 05.07.2022