Secont Campionât des taulis cu lis ruedis

Al tache di Codroip ai 15 e ai 16 di Avrîl il Campionât regjonâl di Skateboard, che al fasarà in dut cinc tapis: Pordenon (ai 29-30 di Avrîl), Tarvis (ai 10-11 di Jugn), Triest (ai 24-25 di Jugn) e Lignan (ai 9-10 di Setembar). E je la seconde edizion e za la prime volte, tal 2022, il Campionât al à tirât dongje une vore di atletis che no àn dome fat a gare, ma si son ancje scambiâts esperiencis dal sport e dai imprescj. Cualchidun di lôr al à, po dopo, fat il Tornei des Regjons a Rome, fasint deventâ il Friûl-Vignesie Julie la regjon cun plui medaiis. Intes cinc tapis dal Campionât di chest an a saran ancje moments di fieste cun stand tecnics leâts al mont dal skateboard e in plui musiche, concierts e puescj dulà mangjâ e bevi. (R.C.) – 28.03.2023