Schi di font par judâ i asmatics

Domenie ai 14 al scomence a Tarvis il cors di schi di font inmaneât dal Grup Sportîf Alpins di Udin e de ALPI, la Associazion alergjiis e pneumopatiis infantilis. Ancje chest an a son stâts passâts i cent iscrits, tra fruts asmatics e adults, e diviers gjenitôrs che a àn decidût di tacâ cheste ativitât sportive sane. Il president de ALPI, il pneumolic Mario Canciani, al vise che il schi di font al è un dai sports plui indicâts intes malatiis respiratoriis e massime inte asme. “I partecipants a vignaran studiâts confrontant il grup di fruts asmatics che al frecuente il cors cuntun grup analic di control che al continuarà lis ativitâts normâls. O fasarìn il dosament – al conte – dai polvars sutîi par valutâ l’intosseament atmosferic, une visite mediche, la spirometrie e la verifiche de inflamazion bronchiâl. I dâts a vignaran confrontâts ae fin dal cors”. (A.I.) – 12.01.2024