30
La ASU – Associazion sportive udinese e je lade trê voltis sul podi cui siei atletis di floret tal sessantesim prin Gran premi “Renzo Nostini” di Riccione. Cjapant medaiis pal cuart an un daûr di chel altri, la ASU si conferme une des societâts plui fuartis in Italie tal setôr dai zovins de scherme. In detai, Tiziano Sartogo al à concuistât l’arint te categorie “Ragazzi” (Fantats) daspò di jessi deventât campion talian l’an passât. Par Giovanni Peres (categorie “Allievi”, Arlêfs) al è rivât un bronç e il stes par Ada Speziani. Un altri risultât di notâ pe scuadre blancje e nere e je stade la vitorie di Umberto Spanò inte Cope Italie te categorie “master” riservade a chei che a son parsore dai 60 agns. (A.I.) – 07.05.2025
