Maratonine: in gare ancje atôrs e sienziâts

Yves Nimubona e Sara Nestola a son i vincidôrs de vincjesime prime edizion de Maratonina Città di Udine, che si è fate inte matine di domenie ai 22 di Setembar. La atlete dal Ruanda e la taliane a àn sierât i 21,097 km de gare furlane in 1.00’56” e in 1.12’16”. A completâ il podi tra i oms a son Yohanes Chiappinelli e Pietro Rivz, za campions europeans a scuadris in cjarie su la distance. Il tercet des feminis plui sveltis al è completât des kenyanis Teresiah Omosa Kvamboka e Sharon Chebichi. Grande prestazion ancje pai furlans Steve Bibalo, rivât decim, e Mariangela Stringaro, che a àn vinçût il Premi dedicât a Faustino Anzil, une medaie di aur introdote intal 2023 par onorâ la memorie dal professôr, une figure di prin plan dal sport regjonâl e talian. Un miâr i partecipants ae mieze maratone udinese, che come simpri e à dât spetacul. Fra i coridôrs ancje il sienziât udinês Mauro Ferrari e doi atôrs – Daniele Fior e Marco Rogante – impegnâts tal Teatri S. Zorç intes provis dal spetacul “Maratona di New York”. (A.I.) – 23.09.2024