Maratonina: trâ dîs di garis e di fieste a Udin

La citât di Udin e je pronte pe vincjesime cuinte edizion de Maratonine “Citât di Udin”, za di vinars ai 19 ator pes stradis e lis placis, cun events e garis par ducj, fint a domenie ai 21. Vinars ai 19, tal dopomisdì, e je previodude la seste edizion de corse di rive sù sul cjistiel, sabide ai 20 invezit la “MiniRun”, une version plui curte di chê di vincj km, e ancje la Corse cul cjan. Domenie ai 21, aes 9.30 di buinore e tache la “Maratonine internazionâl”, intune zone largje che e va dal centri fint in vie Tavagnà, par tornà indaûr in place Domo. Aes 10.35 e scomençarà ancje la “StraUdine”, une corse citadine sul stes percors de Maratonina, ma di dome 8,5 km. Par ducj i trê dîs, une part de citât e sarà sierade al trafic. (A. I.) – 18.09.2025