L’Udin un insium, ma pe Rome al è un vencul

Vitorie storiche dal Udin, domenie sere, cuintri la Rome, che e pontave a cjapâ di gnûf il prin puest in classifiche. Invezit, e je stade une disfate pe scuadre di Mourinho, in graciis di une prestazion dai blancs e neris superiôr a ducj i nivei: tatic, tecnic, atletic. Mai, inte sô storie, la scuadre furlane e veve vinçût cuintri la Rome cuntun risultât cussì impuartant, e il tecnic portughês fin cumò nol veve mai cjapât 4 rêts in Italie. Al jere sucedût, fin cumò, dome in altris campionâts cuintris lis scuadris alenadis di Conte e Guardiola: il prin achì di nô al è stât si che duncje Sutîl, che al à metût in cjamp une formazion straordenarie, ecuilibrade e perfete in ogni repart. Intun stadi cuasi dut plen, e je stade une gnot di insium pal Udin (ma di vencul pe Rome!) in graciis dai goi di Udogie, Samardzic, Pereyra e Lovric e di une prestazion ecezionâl. (A.I.) 05.09.2022