Lîs trê copis dal balon in mostre ator pal Friûl

Cinc citâts de regjon a daran acet aes copis plui impuartantis dal balon: la Champions League, la Europa League e la UEFA Super Cup, dai 29 di Lui fint ai 13 di Avost, la zornade de prime finâl di supercope europeane intun stadi talian: chel di Udin. Il viaç des copis par cjatâ i tifôs al tache di Gurize, capitâl europeane de culture cun Gnove Gurize, la che si podarà viodi tai spazis de feramente Krainer di vie Rastello. Dai 2 ai 4 di Avost, lis trê copis a saran a Triest, tal Palaç de Cjamare di Cumierç, ai 6 e ai 7 dal mês a Grau, tal ingrès principâl de splaze Git, in via Dante (dentri di un camion) e dai 9 ai 10 a Lignan. La ultime tape de “Trophy Experience” e sarà Udin, la che i trê trofeus si podaran viodi ai 13 e ai 13 di Avost in place Libertât, prime de finâl jenfri Tottenham e PSG. (A.I.) – 28.07.2025