L’agnul dal Cjistiel su la gnove maiute dal Udin

La gnove maiute dal Udin e je ‘ecologjiche’ e e cjale al passât. Udinese Calcio e Macron a àn pandût la gnove prime maie (vuê si dîs ‘Home’), tradizionâl a bandis verticâls blanchis e neris, ma inte grafiche cuntun riclam fuart ae stagjon 1997-1998: chê di Bierhoff, cun Zaccheroni alenadôr, e dal storic tierç puest finâl. La sielte ‘green’, aromai pal tierç an, si tradûs inte realizazion des maiutis in tiessût Eco-Fabric, o sedi poliestar 100% riciclât di PET, plui o mancul une cuindisine di butiliis di aghe minerâl par ogni maiute. Origjinâl ancje il riclam ae citât di Udin, a rimarcâ il grant sens di apartignince: pe prime volte, a rilêf sui numars di maie, al sarà presint l’Agnul dal Cjistiel di Udin, il simbul de citât. (A.I.) – 18.07.2002