La ultime trasfierte dal Udin si viodarà ancje tes stradis de citât

Domenie ai 26, aes 8.45 sot sere, l’Udin al zuiarà cuintri il Frosinone la partide plui impuartante de stagjon, decisive pe permanence in Serie A de scuadre furlane. Tal stadi “Benito Stirpe” al è previodût che a rivedin almancul 1.200 tifôs furlans, che a frontaran un viaç impegnatîf di almancul 8 oris par lâ e ancjetantis par tornâ. A ducj i sostignidôrs che no podaran unîsi ae lungje trasfierte, il Comun di Udin al à volût permeti di viodi la partide fûr dai ambients, tes stradis e placis de citât. Midiant une ordenance firmade dal sindic daûr de propueste dal vicesindic, al è stât permetût di fat a ducj i locâi dal teritori comunâl di mandâ la partide al esterni dai esercizis e di meti tal stes timp ancje cjadreis e taulins sul teren public. (A.I.) – 22.05.2024