La ultime partide a Udin par doi mês

Ultin apontament in cjase pal 2022 pal Udinês, inte partide di anticip dal campionât, vinars ai 4, aes 20.45 di sere. La partide cuintri il Lecce e sarà di fat la ultime al Stadio Friuli/Dacia Arena prime dal stop al campionât di serie A pai Mondiâi di balon in Qatar. Il calendari al previôt ancjemò dôs trasfiertis – martars ai 8 a La Spezia e sabide ai 12 a Napoli – prime de interuzion invernâl par cuasi doi mês: un fat gnûf in maniere assolude che al podarà influençâ lis sortis dal campionât. Par riviodi i blancs e neris in cjase, bisugnarà spietâ ben doi mês. La 16e zornade, la cuartultime, e je fissade pai 4 di Zenâr dal 2023, simpri di sere, aes 8.45 cuintri l’Empoli. (A.I.) – 03.11.2022