La scuadre blancje e nere mai cussì ben a principi dal campionât

Principi di campionât di no dismenteâ pal Udin, che dopo vot partidis si cjate al secont puest, a un sôl pont di distance de cubie in cime, Napoli e Atalanta. Batint il Verone intal posticipi di lunis di sere (devant di 1000 tifôs rivâts dal Friûl), la scuadre rivelazion dal an e à miorât la striche di vitoriis consecutivis a principi campionât: sîs, 4 voltis ribaltant il risultât. Cun chest andament, la scuadre alenade di Sottil si prepare a un piçul cicli di siet garis prime de polse pai Mondiâi, che e durarà fintremai a Zenâr: si che duncje un campionât anormâl, che al podarès risiervâ maraveis. Ma al dipendarà ancje dal risultât di domenie che e ven, cuant che aes 3 dopomisdì al Stadio Friuli/Dacia Arena e rive la Atalanta par chel che al sarà pardabon un “scuintri ad alt”.  (A.I.) – 05.10.2022