33
La scuadre di Udin di bale tal zei e à saludât domenie di sere la serie A2 ae fin di une stagjon di memoreâ, cu la ultime vitorie, la trentesime par chest campionât, cuintri la scuadre di Turin. Za promovude dôs setemanis prime in “LBA”, la massime serie di bale tal zei in Italie, e cence ve di zuiâ ancje i “play off”, la scuadre dal presidente Alessandro Pedone e à saludât il so public tal palaçut “Carnera” cuntune altre imprese storiche. L’alenadôr Adriano Vertemati al è ancje cjapât il premi tant che miôr tecnic di dute la A2, e tal ultin, cuant che la partide de Apu Old Wild West e je finide (daspò di un timp ‘suplementâr’), ducj a son restâts dentri dal palaç dal sport par fâ fieste dute la sere. (A.I.) – 28.04.2025
