A distance di cuatri agns de ultime edizion, ai 31 di Març dal 2019, domenie e je tornade la Unesco Cities Marathon FVG. Une fieste lungje 42 chilometris, slargjade ae Julia Augusta Half Marathon, ae Unesco in Rosa e ae Special Run, la corse su distance limitade par atletis Special Olympics. E je stade la grande zornade di Alessio Milani, 40 agns, gurizan di Fare, che nol à tradît lis sperancis, lant a concuistâ la sô prime vitorie intune maratone in 2 oris 31 minûts 57 seconts, dopo une gare devant a ducj dal prin al ultin metri. Sul percors svelt di Palme a Aquilee e indaûr, passant ancje par Bagnarie, Çarvignan e Tierç, Milani al à sofiert plui l’aiar che i aversaris. Tal feminin, sucès de cravuate Ingrid Nikolesic, che e à ripetût il sucès otignût intal 2019 sul travuart di Aquilee. Cun jê sul podi, lis furlanis Fabiola Giudici e Elisa Pivetti. (A.I.) – 27.02.2023
(Foto: D. Petrussi)