Il zir dal Friûl al devente “Jo o ziri F-Vj”.

Un non gnûf, cuatri tapis e un viaç di 632 chilometris traviers il Friûl-Vignesie Julie: la gare ciclistiche “Elite” e “Under 23” e torne dai 3 ai 6 di Setembar, chest an ribatiade “Io Giro Friuli Venezia Giulia”, Jo o ziri Friûl-Vignesie Julie”. Il percors al cumbinarà mâr, plans, culinis e monts, scomençant a Muçane fint a Brugnere. Inmaneât dal 2018 de ASD Libertas di Sarsêt e diret dal ex ciclist professionâl Christian Murro, adun cun Andrea Cecchini e Fulvio Bulfoni, l’event al cjape dentri cuatri tapis in cuatri dîs: Muçane – Pucinie, Martignà -Ravasclêt, Tisane – Tarcint e Çarvignan – Brugnere. La gare e fâs part dal calendari di ciclisim dai zovins di nivel alt, un event di grant tradizion pe regjon, stant che tai agns passât a àn partecipât – e dispès vinçût – ancje Tadej Pogacar e Jonathan Milan. (A.I.) – 02.09.2026