Un toc dal Udin ae vuide de Federcalcio. L’avocat Stefano Campoccia, vicepresident de societât blancje e nere, al è stât elet conseîr federâl a cuote Lega Serie A inte Federazion taliane zûc dal balon, pal cuadrieni 2025-2028, in bande di Giuseppe Marotta dal Inter, Francesco Calvo de Juventus e dal numar un neoelet de Leghe, Ezio Simonelli. President pe tierce volte, cul 98,68% dai vôts, al è stât elet Gabriele Gravina, che al jere dut câs l’unic candidât. Il non di Campoccia al à passât intes sieltis chel di candidâts in rapresentance di societâts ancje plui innomenadis (Milan, Atalanta, Florentina…). La elezion di Campoccia, nassût intal 1960 a Conean, za dal 2018 component dal consei de Leghe Nazionâl Professioniscj de Serie A, e rinfuarce la presince dal Udin insom dal balon talian, ricognossint cussì il rûl atîf de societât. (A.I.) – 03.02.2025
Il vicepresident dal Udin intal consei de Figc
59