Il sport talian si ferme un minût par onorâ Nino Benvenuti

Une liende dal sport talian, un campion che al à tignût dismots no une volte, ma plui di une, ducj i tifôs talians. A 87 agns al è muart Nino Benvenuti, il campion di pugjilât dai agns Sessante, nassût tal 1938 a Isule de Istrie, cuant che e jere in teritori talian. Benvenuti al è stât medaie di aur a Rome tai zûcs olimpics dal 1960 e po dopo al à concuistât il titul mondiâl dal ’65 al ’67 e tal 1970. I siei combatiments cul american Emile Griffith a New York, tal grant Madison Square Garden, a son jentrâts te storie e lu àn fat deventâ un eroi dai talians de Americhe. Finide la cariere, al è stât ancje un atôr pal cine talian, une icone e un simbul de Italie dal miracul economic, e po dopo ancje un comentadôr sportîf. Il Coni al è decidût di onorâ la sô memorie cuntun minût di cidin prime di dutis lis manifestazions sportivis dal fin de setemane. (A.I.) – 21.05.2025