Il basket udinês al ultin sfuarç pe A1

E je scomençade cuntune vitorie la aventure de Apu Old Wild West Udin aes finâls play off di Serie A2 2021-2022 (“Tabelon Aur”). Ae fin di une gare tant combatude, intun palaç dal sport “Carnera” dut esaurît za doi dîs prime, i blancs e neris de bale tal zei di Udin si son imponûts su Tezenis Verone par 67-64. Miôr zuiadôr de serade: il blanc e neri Trevor Lacey, autôr di 13 ponts. Martars la ‘Gare 2’ simpri tal Carnera aes 8 sot sere, po dopo dôs trasfiertis une daûr di chê altre a Verone e la eventuâl ‘dispate’ di gnûf a Udin. Cui che al vinç, al va dret in A1. (A.I.) – 05-06-2022