I cuarante agns dal Udin di Pozzo

Ai 28 di Lui dai 1986, cuarante agns indaûr, Gianpaolo Pozzo al comprà la societât Udinese Calcio di Lamberto Mazza, il president di chê volte. Un industriâl di cuarantecinc agns a chel timp, proprietari de aziende Freud cui siei fradis Gianfranco e Giancarlo, Pozzo al jere un tifôs de scuadre blancje e nere di agnorums e ancje imparintât cun Giuseppe Bertoli, il president che al veve puartât i furlans de Serie C ae Serie A pe prime volte. L’afâr, sburtât dal diretôr spoprtîf Franco Dal Cin, che al veve “scuvietr” Pozzo, al costà plui o mancul vot miliarts di liris. Il caratar, la inteligjence e lis intuizions di Pozzo e de sô famee a àn fat deventâ l’Udin une realtât di prin plan tal balon talian, dopo di vê zuiât in Serie A par 30 agns un daûr di chel altri e lant par undis voltis intune Cope Europeane. Ancje se nol è plui “president”, al è il “paròn” che al è stât timp al timon di une scuadre di Serie A e propit a tacâ dal campionât dal 1986-1987 – nassût in chel Istât – al à costruît une storie uniche in Italie. (A.I.) – 28.07.2026