La seconde edizion dal “Salto con l’asta in Villa Manin, organizade di Atletica 2000 e je stade un sucès e e restarà intai voi e intai pinsîrs dai tancj presints.
A son stâts ospitâts atletis che a vignivin di siet regjons talianis e ancje di Slovenie, Cravuazie, Olande e fintremai Stâts Unîts. Cun di plui, dilunc de manifestazion, cincuante fruts a àn podût zuiâ al Just jump, une version zuiatolone dal salt cu la aste, intant che i coleghis plui grancj a bataiavin su la pedane montade dilunc de matine. Presints aes premiazions, di là dal sindic di Codroip Guido Nardini, Mario Gasparetto pal Coni Fvg, Massimo di Giorgio president de Federazion di atletiche regjonâl e il president provinciâl Massimo Patriarca. La societât e invide ducj i fruts e i fantats a provâ la atletiche lizere, un sport propit par ducj. Informazions sul sît www.atletica2000.it. (A.D.G.) – 31.08.2022
Grant sucès par “Salto con l’asta in Villa Manin”
112
