Grant balon european in Avost a Udin.

Mancul di un an daspò de Supercope UEFA, il Friûl-Vignesie Julie e il stadi Bluenergy a son di gnûf sot la lûs dal balon internazionâl in gracie de colaborazion jenfri la regjon F-Vj e la societât di balon Udinese Calcio. Sabide ai 8 di Avost, a tacâ des vot di sere, la cjase dai blancs e neris e ospitarà la prime edizion de “Friuli Venezia Giulia Cup”, un event prestigjôs là che l’Udin al zuiarà cuintri dôs des scuadris internazionâls plui impuartantis: il Barcelone e il Nottingham Forest. I catalans, un dai club di sucès plui grant a nivel mondiâl, a àn vinçût la La Liga spagnole. Il Nottingham Forest, il storic club inglês dôs voltis vincidôr de Cope Europeane, al è rivât tes semifinâls de Europea League. Il Barcellona al torne al Udin passe vincj agns dopo la partide di UEFA Champions League dai 7 di Dicembar dal 2005, intant che al sarà la prime volte pal Nottingham Forest te capitâl furlane. L’event al è une oportunitât straordenarie pe regjon di cjapâ sù visibilitât, tornant al centri de atenzion sportive internazionâl. (A.I.) – 20.07.2026