Gnûf scandul tal balon, suspiets ator di une partide dal Udin

Un gnûf scandul tal balon talian, cul Udin tirât dentri, ancje se nol à nuie a ce fâ cun chel. La partide e je stade chê zuiade in cjase cuintri il Parma tal campionât passât, ai prin di Març dal 2025, e finide 1-0 a pro dai blancs e neris, cuntun rigôr segnât dal francês Thauvin. Il rigôr nol jere stât dât tun prin moment dal arbitri Maresca, clamât de sale VAR par viodi sul schermi un toc cu la man ae bale inte aree di rigôr che lui al veve lassât passâ. La procure di Milan, che e à decidût di investigâ Gianluca Rocchi, clamât a designâ i arbitris de Serie A e B, par concors in fraude sportive, e à il suspiet che il stes Rocchi al vedi in cualchi mût fat pression su la sale VAR par influençâ l’arbitri de partide Maresca a dâ il rigôr. (A.I.) – 27.04.2026