Si è sierât il prin “Udinese International Media Day”, inmaneât ai 21 e ai 22 di Març ae Dacia Arena. Un avigniment che al à viodût il club blanc e neri vierzi lis puartis di cjase a ciertis des plui impuartantis testadis mondiâls e europeanis, cui maiôrs mass media forescj che a àn pontât i rifletôrs sui progjets de societât, dentri e fûr dal cjamp, e sui zuiadôrs. Beto, Ehizibue, Masina, Silvestri, Walace e Thauvin a son stâts intervistâts adun cul alenadôr Andrea Sottil, a Magda Pozo, al diretôr gjenerâl Franco Collavino, al responsabil de aree tecniche Pierpaolo Marino e a chel de cjace di talents Andrea Carnevale. Un grant event organizât pe prime volte di un club di Serie A, che al à confermât l’atrat internazionâl de Udinese Calcio, valorizant ancjemò di plui la Dacia Arena, e che e je stade une gruesse ocasion par fâ cognossi ator pal mont la citât e dute la regjon. (A.I.) – 22.03.2023
Gjornaliscj di dut il mont par doi dîs ae Dacia Arena
206