57
La zovine pesiste Giada Cabai, nassude a Udin intal 2005 e tesserade cu la Atletica Malignani Libertas Udine, e à vinçût la medaie di arint ai campionâts talians al cuviert di Ancone. Il so lanç di 15,08 metris no i à puartât dome che la medaie di arint, la prime inte categorie dai “seniores”, ma al rapresente ancje la pussibilitât di partecipâ ai Mondiâi Under 20 che si davuelzaran in Americhe, a Lime, in Avost. La misure tocjade de atlete di Udin e je stade inspietade e dome a doi centimetris de vincidore Anna Musci, sô amie e no dome che aversarie. (A.I.) – 19.02.2024
