Friûl-Groenlande: une partide di balon di no crodi

Un fin di setemane ae insegne dal sport, de culture e de identitât che e metarà dongje in maniere ideâl il Friûl e l’Artic. L’insium de sfide storiche de selezion furlane cu la Groenlande, inmaneade par domenie ai 31 de bande de ASF (Associazion sportive furlane), e je deventât realtât: la delegazion groenlandese e rivarà a Udin sabide ai 30 di Mai aes 2 di dopomisdì, tacamt in forme uficiâl doi dîs plens di apontaments. Si tacarà tal Palaç Mantica di Udin, sede de Societât Filologjiche Furlane, in presince dai rapresentants des dôs delegazions e des autoritâts. Domenie 31 aes 11 di buinore, mostre antologjiche di maiutis storichis e atuâls des scuadris dal balon groenlandês, presentazion in anteprime assolude dal libri “Balon Artic” di Lorenzo Bigo, archeolic, antropolic fisic e scritôr, un viaç ae scuvierte dal balon di là dal Circul Polâr. Aes 6, la partide, in direte TV su Telefriuli, cul coment dut in lenghe furlane, mandade in ogni cjanton dal mont e in direte in Groenlande de emitente televisive nazionâl in clâr. (A.I.) – 29.05.2026