Friûl di arint cun Lisa Vittozzi

E je rivade la seconde medaie olimpiche in cariere par Lisa Vittozzi. Daspò di vê vinçût il bronç a PyeongChang tal 2018, e à cjapât l’arint ai Zûcs di Milan e Cortine cu la scuadre di stafete miste di biathlon. Il cuartet, cun Tommaso Giacomel, Lukas Hofer e Dorothea Wierer, al è rivât secont te gare dai 4×6 chilometris, daûr de France. La atlete di Sapade e je stade protagoniste di une rimonte emozionante, scrivint une pagjine te storie dal biathlon. Daspò di vê cjapât il testemoni de compagne di scuadre Dorothea Wierer, che e jere cuarte daûr de France, de Norvegje e de Gjermanie, e à colpît ducj i siei bersais cence problemis, continuant cui schiis viers il secont scjalin dal podi, la prime medaie olimpiche furlane! (A.I.) – 09.02.2026