Ducj mats pal curling a Claut

Daspò de grande visibilitât otignude cui Zûcs Olimpics dal Invier dal a Milan e Cortine, ancje a Claut il curling al è daûr a vivi une stagjon di passion straordenarie. Tal palaç cu la piste di glaç “Alceo Della Valentina”, il centri federâl talian dal curling, e je stade une fuarte incressite des domandis di grups, scuelis e apassionâts che a vuelin imparâ un sport che al cjape dentri simpri plui il public. I numars a fevelin di bessôi: ogni fin setemane fin dopo Pasche al è za vendût fûr dal dut, un segnâl di cetant che al è cressût l’interès in pôc timp. Vie pe setemane e sot sere, invezit, al reste cualchi puest disponibil par chei che a vuelin prenotâ par provâ il sport sul glaç. Chei che a vegnin a Claut no son dome passionâts e praticants, ma ancje une vore di personis dome curiosis. A rindi chest moment ancjemò plui speciâl e je la conession direte cul grant palc di sene dai Zûcs paraolimpics: Matteo Ronzani, un atlete dal club di curling di Claut, al è un dai zuiadôrs de scuadre nazionâl taliane impegnade ai Zûcs Paraolimpics dal Invier. (A.I.) – 12.03.2026