Doi grivis infortunis in cjase dal Udin

Brutis gnovis a rivin de infermarie dal Udin. Il difensôr Adam Masina, che si è infortunât intal penultin turni di campionât cuintri la Florentine, al à ripuartât la roture dal leament crosât dal zenoli diestri. Il zuiadôr al è stât operât cun sucès dal professôr Pierpaolo Mariani, a Rome inte Cliniche Villa Stuart. Intal comunicât uficiâl de societât, i auguris di svelte vuarison de bande di dute la famee blancje e nere. Il zuiadôr al varà di stâ lontan dai cjamps di zûc par sîs mês e al saltarà i prossims Mondiâi in Qatar cu la nazionâl dal Maroc. Cuintri la Rome si è infortunât un altri difensôr, il sloven Jaka Bijol: ancje in chest câs, il signestri al è avonde grivi, ma il difensôr al varès di tornâ in cjamp dopo la fermade dal campionât. (A.I.) – 06.09.2022