Dispate Verona-Spezia al ‘Friûl’: “Une sielte pericolose”

da Andrea Ioime

La Lega Calcio nazionâl e à decidût che la dispate tra Spezia e Hellas Verona, par decidi cui che al reste in serie A, si zuiarà domenie ai 11 di sere al Stadio Friuli/Dacia Arena di Udin. Une decision sorprendente, viodût che a jerin stâts individuâts altris stadis, escludûts però par problemis di ordin public – par esempli, Florence pal zimulament de curve de Florentine cui veronês – o parcè che masse lontans (Lecce). A restavin Reggio Emilie e Udin, ma intal prin câs il prefet de citât al à dit di no parcè che nol vûl incidents. E je restade dome Udin, dulà che i rapuarts cu la curve veronese a son ‘dificii’ di agnorums. E la sielte no plâs nancje ai operadôrs che a àn di garantî la sigurece: “Masse pericui, ancje parcè che i tifôs des dôs scuadris a varan di passâ il stes toc di autostrade A4, e al è une vore probabil che a vegnin in contat. Definî la sielte ‘disgraciade’ – al sclarìs intune note il Fsp, il sindicât di Polizie – al è un eufemisim”. (A.I.) – 06.06.2023

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui