33
Il “Cors di diretôr sportîf” de Universitât di Udin, increditât de Federazion taliane dal balon (FIGC), al è tornât. L'an passât, te sô prime edizion, la iniziative di formazion e à permetût a 28 partecipants su 29 di otignî la cualificazion de bande de Federazion. Il cors al furnìs lis abilitâts necessariis par lavorâ tal cjamp de gjestion professionâl dal balon e al prepare pal esam di cualificazion de FIGC par deventâ diretôr sportîf. La iscrizion e je vierte fint ai 17 di Fevrâr (informazions e iscrizion su www.uniud.it/direttoresportivo). Lis ativitâts di insegnament — in dut, 144 oris di lezions di dopomisdì — si davuelzaran di Març e fint a Lui di chest an. La iniziative e je dirte di Michela Cesarina Mason. (A.I.) - 08.01.2026
