Cuatri zovins furlans zuiadôrs di rugby clamâts de Federazion

L’alt nivel dal rugby federâl al cjale ancje al Friûl-Vignesie Julie. A son cuatri, di fat, i zuiadôrs sot i 19 agns clamâts intal Centri di Formazion permanente di Trevîs. A son Samuele Venuto, tierce linie dal Rugby Udin, e trê atletis dal RC di Pasian di Prât: il trecuartist Noselli, il median Daniele De Nobili e il pilon Erik Meroi. “Pal Comitât regjonâl, cheste e rapresente une notizie pardabon impuartante – al comente Emanuele Stefanelli, president regjonâl -. Vê adiriture cuatri atletis clamâts intun centri federâl al vûl dî che il lavôr fat intai agns al è daûr a dâ i risultâts che o speravin”. (A.I.) – 29.08.2023