29
Daspò de medaie di bronç ae curdele te Cope dal Mont de fin di Avrîl, a rivin altris sucès par Tara Dragaš. La atlete de ASU -la Associazion Sportive Udinese, e à cjapât l’arint te Cope Europeane di gjinastiche ritmiche cun 110.050 ponts in Azerbaizan, te Milli Gymnastika Arenasi di Baku. E no dome chel. Tes cualifichis, la atlete e à cjapade la medaie cun trê imprescj: bronç al cercli, atint aes clavutis e ae curdele. Daspò di cuatri dîs di garis, e je rivade fint al scuintri diret cu la atlete israeliane Lian Rona, che e je rivade par pôc a cjapâ l’aur. (A.I.) – 05.05.2025
